KONKANI KOVITA: Mel'le Monis - Yusuf A. Sheikh

APPEAL TO THE PEOPLE OF GOA - by CHURCHILL ALEMAO

Konkani Kovita: Mel'le Monis

Naka Saiba! Puro Gha Busicho Proves

KONKANI KOTHA:

Naka Saiba! Puro Gha Bosicho Proves!

- Boroupi: Norman Noronha

(Colmorod, Navelim, Goa/Kuwait)

http://www.goa-world.com/

Gelea Jun-ache mhoynant hanv Gõy suten gel’lom. Julyacha 8ver mhojea ixttacho vadd-dis aslo. Bhurgeponnantle ixtt ami. Navelim Rosary Iskolant xiktana ixttagott amchi. Aiz 25 vorsam odhik zalim samballun dovorlea.

“Norman, he pavtti ami dogui Gõy asat. Mhonntoch tum mhoje vad-disak yevunkuch zai. Ham!!!”.

“Polletam”, hanvem thoddobhov na pavpacho dubhav dakhoun mhonllem.

“Na, na. Hanv aikopak kosoch toyar na“, tannem jit dorli

“Ok baba yetolom ani ghorchankui haddtam. Birthday-cho boroch fodoll ghalumya”,

Mhojea ixttak zap dil’li ti aikun mhoje dhuven mhaka sanglem. “Papa hanv yena. Tumi soglim vhaddlelim. Tumi tumche out of fashion gozalini gul’l zatolim. Mhaka sangat (company) diupak konn na. Tumi vochat. Hanv xamaim fuddem rautam”

Ixttacha zolm disa vochunk hanv ani mhoji ghorkarnn Activa skuttor ghevn bhair sorlim. Navelim thavn bhair sortana vattavoronn borem aslem, punn Moddganv pautat mhonnosor matso pitti-pitti korun pavs zoddunk laglo. Toxinch fuddem gelim. Moddganvcha pornne bazarant pavlolim. Mollbar datt kupamni boroch kallok kelo. Hem fokand borem vochpachena. Ghorkanink sanglem pavsachi jaket choddovpak. Skuttor vatter bond korun hanvuim jaket choddoytalom. Punn pavs aikota? Ghossss korun pavsachem khup amcher vonklem. Portean skuttor chalu keli, punn bike choloupak fuddem disona zalem. Motte-motte pavsache thembe bhale koxe dolleant toptale. Tosech dolle bond korit ami Kadamba bos stenddar meren pavlim. Mon matxe kachabul zalem. Porot ghora ghelar, ixttt ragar zatolo dekhun, skuttor thoinch park korun ami bosin proves korpachem chintlem. Nimnno bosint kedna boslolo to ugddasuch na. Dogaim bos stenddar gelim. Vaskuchi bos khuim ubi asta tivui khobor na. Itlyan ek lamb voll polloyli. Shuttle service mhonn aikolem, tache khatir hi voll pasenjeranchi ghoddie zait. Punn ek. Vollik konn ubo rautolo??? Itlyan Vasku….Vasku….Vasku…mhonnon avaz zalo. Bos nigtich vattek laglolli. Hech bosir choddlyar borem mhunn ami dogaim bosir choddlim.

“Arre baba, khali kursi asa re bospak?” havem kondoktorak vicharlem

“Hoi…Hoi.. choddat vegim” tannem sanglem

“Amkam Chikle denvonk zai”, hanvem kondoktorak sanglem.

“Chodd mhonttlam nhoi hanvem!” tikxelelea tallean kondoktoran avaz kelo

Hanv ani mhoji ghorkarnn bosir choddlim. Bos chaluch asli. Aka-taka dopke di-it fattlean bosunk kursi asa kai mhunn pollounk hanvem bosiche vhoilea handelak hat ghatlolo. Kitem sangum? Danddo asa punn ekui handle naslem.

Bos suru zaun Nuvem pauta mhonnosor waka! waka! kanar sadlem, Arre! Ami asat bosint ani Shakira khuim savn ailem? Fattim vollon polloyt zalear konnem mobile phone ukllun haloooooo mhonttlem. To mista tacho latest ring tone. Bos matxe fuddem pauli. Carmel kolejiche samkara, bouch sundor cheddvam bosik rautalim tem havem polloilem, Bos matxe soukas zali. Atam him cheddvam choddtolim bosir. Oso havem monant vichar kelo punn zalem kitem? Drivoran tanche bogler pautanch bos vegan ghevun gelo. Havem chotrayen kondoktorak vicharlem

“Arre hi lokal bos ani tankam kiteak bosir ghevunk nant? Rath zaunk pavlea Cheddva tim” Kondoktoran kitem zabab dilo zannai? “Arre sodd khobor tanchi. Kolejichi cheddvam sovai tim. 10 rupiank don meuta”

Atam tumi vaitt somzunakat ham! Hanvuim poilo somzunk na tacho orth kitem aslo to. Uprant sozmolom. 10 rupiank 2 mhonnchem, bosin proves korpak iskolacha ani kolejicha bhurgeank ordi tiket. Mhonntoch 10 rupiancha pasenjaracho zago dog bhurgim ghetat. Lukson nhi hem? Tanche kodde student identity card asa anik tankam ordhi ticket lagta mhonntoch tankam ghevunk nant. Hi onit (injustice) zali nam?

Bos fuddem Agnel Ashram-a lagim pavtoch thoinsorui chedde ani chedvam misoll bosichi vatt polloun aslim punn bosi drivoran Carmel kolejixim kel’lem natok toxich bos soukas keli itlyan teg mosti chedde gollov marun bosiche darar choddle ani dusrim ordhe tiketticha bhurgeank thoinch soddun bos fuddem geli. Itlyan motto paus suru zalo. Hanvem veg-vegim zonel bond korunk mhunn hath ghatlo. Punn kitem sangum? Dukoltalom tem zonel koxench fuddem vochona zalem. Pausache azodden ami ordim bhizlim. Havem ghorkannik sanglem. Ordem ang sukem asa tem samballunk tori ubim raulear borem mhunn ami soroll ubim raulim. Punn don payem dovrun ubem raupak zago naslo, kiteak, bos chik’kar bhorloli asli. Ami toxinch luttint lutt mhonttat tea bhaxen dedd (1 ½ ) payar ubim raulim.

Fattlea darar bos klenner aslo. To pasenjerank fuddem voch fuddem voch mhonnttalo zalear fuddle darar kondoktor aslo to passenjerank fattim voch fattim voch mhunttalo, Bosint ube aslole pasenjer latant tarle bhortat toxe chik’kar bhorlele asle ani svas (breath) ghevunk pasun varo naslo.

Saiba bhogos! Mhoje ghorkanin fugar zalolea tallean suskar soddlo. Itlya mhonnosor eke ostoren avois!!!….mhonttlem Konn ek pasenjer denvonk fuddem sortana ticho paym chid’ddilo dista. Don-char gallyo-fosti sovllea uprant mhaka kol’lem ti ek nistekarn mhunn. Bosiveli denvtana anink don-char galli ghalun hatant aslolo pantlo paym chid’dilleacha kodd’dear marpak ti mat visrunk na. Bos fuddle chalik lagli. Zonelantlyan havem bore panchvi-char dhekave pollele. Kai borim xettam, dakttyo khoddyo tantunt dovem ful udok vhanvtalem. Kamerim xeth vomptalim. Va-re-va. Kai borem amchem sundor Gõy. Skuttorin poinn (travels) kortana hem sogllem pollevnk ani vakannunk khuim mellta? Vatter ek dakttulem tollem aslem. Pausache disani borench udkan bhorlolem. Ek zothkaxi (ghoddie zait) niktench zotache soddlole aple boilank udok naddoitalo……….Wow kitlem sobit amchem Gõy. Kiteak mhunn amche Gõyche fuddari nopoit kortat kai?

 Sumar pavni eka voran bos Chikle pauli. Kondoktoran Chikle denvpacha pasenjerank ugddas kelo. Kedna kai Chikle pavun zal’lem. Ami dogaim sottatosott bosivelim denvtana barobor mhonttlem “Naka Saiba! Puro zalo to bos Proves!”

Konkani Kotha: Kazarachea Disa

KAZARACHEA DISA


- Boroupi: Norman Noronha
(Colmorod, Navelim, Goa/Kuwait)




Kazar mhuntlear eka daddlea ani ostore modim ghoddun haddlolo ek povitr sakarament zo, Devan ghoddla ani mon’xamni moddunk zainam toslo ek mozbutt ekvott. Thoddim mogan kazar zatat zalear thoddim soirigotin zatat. Halinch ek novi poddot ailea. Internet marriages. Zaite Gõykar jodeo internet-ar mogan poddun kazar zaleant. Gelea vorsa hanv Gõyant ghel’lom teddna, eka soireanchea kazarak hajir zaunk mhaka sondi mell’li. Open-air hollant boson astana mhaka adle tempa velea kazaracho ugddas ailo. Khorench, atam khall bodolla. Mon’xanchem chintop bodollam ani tech barobor kazaracheo rit-rivaz bodoleat mhontlear , hanv chuk adarchona.


Kazarache Amontronn Adim vhokol nhoureacho avoy-bapui nam tor ghorchim mon’xam ganvantlea ghor-ghoramni bhovun kazarachim kardam porxim vorun vhantalim. Atanchea khallar fonavelean amontronn ditat Thoddim amontronn kard email attachment korun emailin daddtat. Lokak choddso vell na mhunntoch (fokot borea kamakuch) sogott zann emailinleant ail’lem amontron svikar kortat ani kazarak hajir zatat. Adlea xezareank ani soireank porxim vochun kard vo amontron na dilem zalear boroch vhodd xinn kortalim.



Suvallo: (Reception) Adim choddxim kazaram ghorachea angnant mattov ghalun zatalim. Mattovkar dhoveo olio (white sheets) marun darant mattov ghaltale ani mattvachea sorbhonvtim rongit freel lamboitale. Xezarim ani soirim yevn amursanv kortalim. Charui vatamni sumb (coir rope) bandun tacher ramacheo chutio ghalun, folio ani fuge bandtalim. Zomin petovne (wooden compactor) ghevun boro pett (compaction) nachpachea agnnant martale uprant tacher thoddem udok ximpdavop ani dodinicho pallo ghalun zomin netoitalint. Petromaxachea divear adlim kazaram sobhovtalim. Antanche khallar special evetst management company asat. Tankam kontrad ditat ani te yevn ready-made kazaracho suvallo sobhoitat

Kazarachi Nesson: Vhokle Nhoureachi nhesson mat adlech isttaylichi.. Voklechea vistidacho rong dhovo asa punn thoddeo voklo moriadi bhailo vistid xinvtat. Adim voklecho resperacho vistid dorji noureachea ghora yevn xinvtalo. Vokleche zohk (measurement) ghevunk, dorjeak, vokleger vortale. Zokh ditoch vokol dorjeak vo mestak kitem sagvadd (tips) ditali. Noureager vistidache lugtak kator laitoch, fogottio zataleo ani xekareank ghomtalem vistid xinvtat mhunn. Punn atam, Boutiques zaleat ani adleo tora sompot ailea. Vokol apleak zai toslo dress toxench dediache (bridesmaid dresses) vichun kaddta ani readymade vistid ghora lagim haddtat.

Voklek Nhesovop: Adim noureager savn voklek nhesovpak mhunn nhourea vattenlean lok yetalo. Eke suitkesin ghalun voklecho vistidd, dusreo mustaki ani bhangar daddtalim. Vojeachi bail mhunn astali ani tea suitkexir ek hatani vinlolo crochetincho kuddko laun vojea bail mhatear marun haddi. Tika bogxis ditaleat. Noureager savn ailolo lok voklek make-up bha korun toyar kortalim. Punn atam tosle formalities nant. Vokol aplea avddiche beautician-ank ghorakode apoitta ani ti voklek toyar korta.

Kazarache Fotu ani video: Adim ek Photographer apoitale. To soglle fotu kaddtalo. Khalo-dhovo rongacho fotuvancho album korun ditalo. Tosoch ek vokol noureacho ani ghorchea vo famililcho fotu framin ghalun ditalo. Punn atam ek Professional photographer zalear dusro ek professional videographer asta. Sarkench ojapanche mhontlear kazaracho suvallo sompchea adinch pois aslole soireank ixttank eka khinna bhitor internet-ar velean fotu pollevnk melltat.

Bhetto: Adle tempar sagvadi daddtalim. Kazarak lagtat teo gorjecheo vostu zoxe porim tandull, narl, dudi, soro, vinagr adi, adi. Thoddim duddu ditalim. Atam hollant lok zaiteo vostu jinsavar rongit kagddamni netoun bhett ditat. Thoddo khall fattim ek vichitr toreche amontronn kardar, eka superstore-che nanv astalem ani vokol-nourean apleak zai teo vostu vichun kaddun dovorloleo. Jem konnak vokol-noureak kazarachi bhett divnk zai, tannim tea store-ran vochun tanki pormonnem bhet dinvchi asli.



Kazarachea vhorak vorpi bos: Vokol-nouro kazarache gaddient bosun hollan vetalim ani her soire, ixtt, xezari khas kazarak ailolea lokak, bosin vortale. Bosin sogot mandde-dulpotam ganvun hollaxim vellar pavtalim ani dekhunuch tea tempavelim kazaram vellar suru zatalim. Atam sogllea thaim skuttori, motor-gaddeo zaleat ani aplo time ghevn zai tea vellar hollant pavtat.

Kazarachem jevonn: Adle tempar ghorache fattle vatten molancho (palm leaves) mattov ghaltale. Amche Saxtint ami taka rosecho mattov mhunttat.. Ek Randpi (mest) vo randpinnink (mestin) apoitale kazarachem randop korpak. Xezarim soirim adhar kortalim katorpache, vantpache vo her barik-mottem kam’ korunk. Ghorcho poslolo boro tuntunit dukor martale.. Hollant focot pulav na zalear stew vantalim. Atam soglleo odoreo (orders) Catering komponink ditat ani tech sogle toyar kortat. Hollant jevnachi voddli buffet mandtat. Kazarak ailole soire (wedding guest) jevonn jevtat tache poros pidder chodd kortat.

Hem sogllem boroitana, mhojea Main-Pain, tanchea kazara disa ghoddlole ghoddnecho, mhaka ani mhojea bhanvddank sanglolo to ugddas zata. Tanche kazara disa khoim, ek attavich gozal ghoddli. Mhozo bapui Patricio Noronha ek boro futboll khellgoddi aslo. Boro futboll khellgoddi mhunn ten’nachea Governadoracho inam’ favo zal’lo asa taka.

Songit: Tholave vo ganvchem jaz band kazarak vazovpak astalem. Tea khallar tanchea kumpasar nachonk veglich urbha bhogtali. Atanchem songitkaar adle toren funk marun instrument vazpi nant. Electronic instrument-acho vapor korun live band ghoddghoddeta. Na tor DJ toyar asa.
Kazara disa mhojea bapaicho futboll club final khellunk aslo. Paik koxei bhaxen ti final (match) khellunk zai asli mhunntoch, to resper zatoch voklek mhunchem mhoje avoyk (Mariquinha Baptista) ghara dovorun futboll final kellun ailo, ani uprant suvallo (reception) zalem.
Tea tempar, resper sokallim ani kazaracho suvallo ratchea vellar zatalo, poromporik chall ti.

"Ugdass Tumcho" hem suvadik kantarant Juzu Baretto-n "Ugdass" hea Bab Katty de Navelim rochun Konkani CD-ir omor kellam ani hea futboll khellak lagon mhojea bapaik boroch vakhanla. Hea vorsa tanche kazarak 62 vorsam bhorleant.

Anik konnui nhovro aple kazara disa futboll khell khell’la vo khelltolo aslo gai?


________________________
Boroupeachi ol'lokh:


Norman Noronha, ganvant Colmorod, Navelim-Moddganvcho, sabar vorsam zalint Kuwait-ak vosti korta. To Navelim Youth Centre (NYC) Kuwait hea tachea ganvchea sonstheacho Up-Odheox mhunn menun ailolo asa, ani to ek boro football khellgodi.

Konkani bhaseacho taka kherit aburpai ani lhan boroupam korunk tachi ummedh.
Boroupeak sompork korunk email zaun asa: normankwt at hotmail.com

(c) http://www.goa-world.com/
Norman Noronha-chim adlim boroupam jim Gulf-Goans e-Newsletter(ar) uzvaddit zaleant hea porrim:
http://konkanikovita.blogspot.com/2010/07/mhojea-bhurgeaponacho-ugddas-norman.html
http://konkanikovita.blogspot.com/2010/07/konkani-lekh-visvas-nam-boroupi-norman.html
http://konkanikovita.blogspot.com/2010_08_01_archive.html
http://konkanikovita.blogspot.com/2010_09_01_archive.html

_______________________
[Bab Lino B. Dourado-k, Bab Katty de Navelim ani Bab Gaspar Almeida-k mhoje kherit dhinvas. - Norman Noronha].

Daniel’s Konkani Book "Chun'nam Ani Kan'dam' release

Daniel’s Konkani Book "Chun'nam Ani Kan'dam' release



‘Chun’nam Ani Kan’dam’ a book in Roman script Konkani written by well known Roman script Konkani writer, Freelance Journalist and columnist Daniel F. de Souza, will be released at the hands of Rev. Fr. Jose Antonio Da Costa, Parish Priest of St. Andrew Church, on Sunday
14th November 2010 at Hotel La Paz Gardens, Vasco, Goa.

Dr. Francisco Colaco, eminent cardiologist and Konkani lover will be the Guest of Honour. Shri Vincy Quadros, Vice President of the Goa Konkani Academi has penned the foreword for the book while Artist Domnic Cordo has designed the attractive front cover. The book is published by Talia Prokaxon and is the third publication of the Vasco based author.


‘Chun’nam Ani Kanddam’ is a collection of 16 selective humorous essays which were earlier published in various Konkani magazines and other publications. The essays are the author’s inspirational and creative works based on day to day happenings and every essay conveys a message in a lighter vein. The book is so named after Goa’s seasonal fruit of white and black berries found on the hilly regions and synonymous with its sweet and sour taste.


The author’s first book ‘Koslich Malis Nastana’ published in 2007 had won him two literary awards, one from Thomas Stephen’s Kendr, Porvorim and the other from Konknni Bhasa Mandal and it was also short listed for the Kala Academy’s literary Award.


According to information provided by the author to goa-world.com team, the book is also scheduled to be released in Kuwait on the same day under the auspices of Kuwait Konknni Kendr (KKK).

Daniel F. de Souza can be contacted at C/3, IInd Floor, Elvira Apts., Near St. Andrew's Church, Vasco da Gama - Goa 403802, INDIA. Tel: + 91-832-2510714 / Mob: 9822163329 & 9420818059; e-mail :dannyboy04@rediffmail.com;
Blog: http://www.danieldeblog.wordpress.com

Goa-world.com Team wishes Daniel F. de Souza all the very best.

Vhoddlea zhaddache savllek aslear borem

:: Vavrachi Tokhnnai ::

Vhoddlea zhaddache savllek aslear borem


Setembrache 26ver, Gõyant Louki-kanche Seve Dis ami somarombhtanv. Adim Pap Saib, Kardial, Bisp, padri-madri ani tea uprantuch loukikam, oxi amchi Povitr Sobhechi mandavoll mhonn somzotale. Az Povitr Sobhent soglleank manacho zago asa ani loukik bhav-bhoinnim Povitr Sobhechea vavrant khup mog ani husko dakhoitat,zobabdaren vavurtat, hem pollevn amkam khuxalkay bhogta. Loukik bhav-bhoinninchea vavrak lagun az amchi Gõychi Povitr Sobha fuddem panvlam marta. Ami tanchea sohokarachi tust kortanv ani Povitr Sobhent tankam borem anvddetanv.

Firgoz Sobhamni Loukikancho vavr: Iadnik eke firgojecho fuddari koso vavurta. Ponn loukikancho adar sohokar na zalear, tachean kainch korunk zaina. Tachea margdorxonna khal amchim loukik bhav-bhoinnim khup boro vavr kortat. Zoim yadnik pavona tea somudayamni tim zobab-daren vavurtat. Vedi Sevok seva-dhormik ritimni vantto gheun teo bore bhaxen somarombhunk adar kortat. He songhottnnamni zaitim Dev-apovnnim utponn zaleant. Tornattean-chea Zomeant bhitor sorun zaiteank aple xegunn Povitr Sobhechea faideak vaprunk sondhi mell'lea. Bhavartanui tim vaddleant.

'Legianv Marie' vorvim Saibinnichi bhokti vaddot gelea. 'Society of St. Vincent de Paul' goribanchi khup seva korta. Somudayanchea fuddaream vorvim somdayacheo zomati mandavollin ghoddun aileat. Gonvllik Firgoz Sobhen mhotvache tharav gheun, firgojechem jivit novsorlam. Dotornni Sonvsthentlean, Dev-Sondexkaramni bhurgeanchea ani tornatteamchea kallzamni Jezucho mog ghala, tachi vollokh dilea. 'Couples for Christ' hannim logni-jivitachi ruch vaddoilea. Firgoz Potramni boroupeancho gunn ustun, firgojen kitem ghoddta tem firgozkarank kolloun tancho bhavartui thiraila. Sevadhornik Sevokamni Sevadhorm odik ruchik ani orthabhorit kela. 'Fabrica, Konfraria' hanchea vangddeamni firgojecho karbhar samball'la. Ani kitleoch firgoz-sonvstha asat, boroun sompcheonant. Ani amchim loukik, bhavam-bhoinnim thoim boro vavr korun tannim eke firgojek novo rong haddla.

Jezuchem karya fuddem vhorat: Zolmotanach amkam Povitr Snana vorvim Povitr Sobhent bhitor kaddlim. Ani Jezuchea karyant amkam vantto mell'lo. Ho vavr fuddem vhorunk thiravnne Sonvskara vorvim amkam thirailim. Devak mandta toslem jivit jiyetana, patkak lagun ami khala aptoleanv tednam, sondhan sonvskara vorvim ami utt'leanv.

Krist Prosada vorvim Kristi jinnentle khuris vhorunk amkam adar mell'lo. Jivitacho khoinchoi bhes ami vinchunk, hea vinchlolea bhesantlean ami hem Jezuchem karya fuddem vhelem. Amchea jivitantleo, amchea ghora-beantleo ani amchea vavracheo zobabdareo pallun ami Povitr Sobhechea vavrak khandd marla. Ponn ho Povitr Sobhecho zobabdare-cho vavr fuddem vhorunk tankam sompem zalemna.Amchea ghorcheam koddlean pasun amkam zaitem aikunchem poddta. Amchim ghorchinch amchea Povitr Sobhechea vavra mukhar addkollicho fator ghaltat. Haka lagun thoddim fattim sortat, thoddim ang kaddtat. Ponn zaitim zannam aplea ghorcheank somzaun, ghorchi zobabdari bore toren pallchi pallun-ui, ho Igorz Mate-cho vavr hurben kortat. Igorjechea padrim vorvim tankam odik ut'tejon mellta. Thoddim ghoddiek apnnak man mellunk ho Povitr Sobhecho vavr kortat.

Igorjent boro vavr kortat mhonn tanchem nanv ucharlear tankam khu-xalkay bhogta. Osleanchem tanchea vhoddilamni mon uzvaddailear, borem margdorxonn dilear, tim bore dixen vavr kortolim. Ami amchea borea vavrachi hea sonvsarant mozuri sod-chea bodla, sorgar dolle dovrun vavr kelear amkam Deva mukhar man melltolo. Povitr Sobhechi xikovnn manun gheun tiche khal ravun vavr kelear amchea vavrak khup borim follam melltolim. Povitr Sobha ek vhoddlem zhadd koxem zachi xikovnn amkam savlli dita. Jezun dil'lea karyantlean ani amchea dekhivont jivitantlean votan korpotolea amchea loukik bhava-bhoinnink he savllek haddun Jezuchi xikoun manun ghevn, tachea karyant vantto gheun vavurlear, loukik bhavam-bhoinnim vorvim amchi Povitr Sobha disandis mozbut zatoli!

NEVEL VELL'LEKAR
www.v-ixtt.com