DHUV MHOJI SOBIT
Apurbaiechi kherit.
Tachea Bapaichi chodd anvdichi
Zolmun aas bagoili tachea jivitachi.
Cheddum zolmank ailem dhadoskaien bhorli
Ghorkarachi xim mer nasloli khuxi sorgak thekli.
DHUV MHOJI SOBIT
Hanso tacho ullmulit/loklokit/gosgoxit .(gostacho)
Rup tache gulabache, sanvlle rongache
Ghorcheanim kalliz dukhoile pacharun, cheddum tem,
khopounk zai kor ang tache dhove.
DHUV MHOJI SOBIT
Kellunk, nachunk zai addbhodit.
Urbevontant aplo vaur korta
Huxarkaien amkam navm haddta.
Kalliz zata dukhabhorit
Sogllea zagear taka pois korta mhunn tem sanvlle rongit.
DHUV MHOJI SOBIT
Bapak argam dita hunnhunit
Zolmank haddun mhojea kusveant
Ghorabeak amchea dilem dennem vorthabhorit.
Anvdde mhoje dhuv sodankal asunk sukhi
Magtam Bapa tuzo axirvad, bori bolaiki ani rakhunk tika sogllea vaittantlim.
Genoveva Afonso
Subscribe to:
Post Comments (Atom)
No comments:
Post a Comment