Goyant pavsallo suru zalo. Gormeche dis somple and pavs poddotokuch jivakui su zalem. Oso hanv poddient bosilom atana bhaliean motto pavs poddtallo anik hea pavsacho dodo poddta astanna bhurgeabponnalio yadi monant aleo anik hanv mhojea monant hansalom.
Hanv lhanv aslom tedna amchi obeyaschim pusktakam faddun tancheo ami patpamari kortaleat annik vhavoun veta tea udkant ami sodtaleanv anik osi hi patmari uddun vetana amchea hattani tallio pettun tacho annond ami ghetaleanv anik hi patmari khoim meren vota tem polleunk ami tea patmari fattlean ami dhanvtaleanv. Toxechn xalleak v etana mudamkorun amchi xontri amchea mhateaveheli kadtaleanv anik bizot xallak vetaleanv. Hem korunk haka ek karan asilem anik tem mhonllear zo xalleak bizun aliea vidharteyak porot ghora dhataleant anik oxi amkam tea disak sutti melltalich. Magir ghora ieun pavsant bizun mozeach mozea anik chodduch pavs podllo zalear amcheoa nhoint kitlem udak ailam mhonchem unvara kitlo aila temui polleunk vochpachem aslem.Pavsalleant matr jivi maslli mello nasili punn gormeachea disanni suki maslli mhonchem khari maslli anik odik korun sollieancho paro, na zalear bhangdeacho paro tollear ghalun bhazop aslem anik jevtana vhode khuxen, annondan anik ruchin jevop aslem. Va kitlem ruchichem jevonn tem. Sajechea vellar kazucheo bio bhaztana tea bhazlelea biacho promollan hinv khatalem tem atam lagona. Niidchea vellar kosllich dasti nastana pavsachea disanni nidh ekdom bori poddtali.
Pavs podttan tedna ek atvench vatavoron nirman zata tem polleun jivak khub anond bhogo. Odik korun pavaslleant fullam fulltelim zadam haddun aplea ghorachea bhageant
pavsant bhizun rovop ek attvech torecho haves nirman zatalo anik tacho bhorpur annod meltallo . Pavsaleant godgoddo anik zogvlanne martana ekdom bhoim disun aitali anik ho godgodo marta tedna avoichea mhoriant nidop anik jedna fo godgoddo marta tedna avoin amkam aplea vegent dorop. Kitlo sobit heo pavsalleacheo yadi anik odik krun ho godgodddo mottean marta tedna amchi avoi amkam aplea khakeant ghetali tedna hea avoicho mogui amkam chakunk melltallo.Kitleo sobit heo bhurgeaponnaleo heo pavsalleacho yadi. Oxem bhogta portun ekdam bhurgo zaun zolmun ieunkportun tea pavsalleant khellunxem dista. Kedna kai hanv porot bhugo zatolom kai hea pavsalleant khellunk? Dolleank tell ghalun ravtam.
Fr. Teo Fernandes
www.goa-world.com/goa/konkani
No comments:
Post a Comment