AMONTRONN:
Agxe-cho Konkani boroupi Shri. Pio Esteves-achem panchvem pustok 'KADDYO BODDYO', Novembrache 11ver, 2009 sokallchea 9 vorancher Pilarchea dongrar vimochon zaunchem asa. Adinch fuddem tumche upkar manun, hea suvalleak tumkam soggleank Bab Pio Esteves-achem maye-mogachem apovnnem.
BOROUPEACHI OLLOKH:
1990 vorsa B.A podvi melloilea uprant, eke bore sondhecho faido kaddun, tannem Pon'jabak, Bathinda vattharant proves kelo. Ani thoimsor St Xavier's High School-ant vavurtana, panch vorsam (1993-98) supurleam bhurgeank chitram kaddpachi (drawing) kola tannem umedhin xikoili.
Tea uprant 1999 vorsa, tich kola aplea sangata gheun, to Jammu-Kaxmir-ak gelo ani Poonch vattharant aslolea Christ High School-ant bhitor sorun, thoinchea bhurgeank Inglez, songit ani chitram kaddpache vixoi xikounk survatkeli.
Tea fuddem, Goy ietoch, 2001 vorsa tachea angant aslolo boroupacho gunn somazachea sevent ghalunk, ek potrakar koso, 'The Navhind Times' hea Inglez disalleak vavrunk taka anink ek bori sondhi mell'li. Ani az meren tea potrak ek 'reporter' ani 'sub-editor' koso to poddtiddken vaurit asa.
Lhan astona, Goyche maim-bhaxecho mog sorgest Pri Freddy J da Costa hannim tachea kallzant rigoilo. Ani tedna thaun Konknni bhaxechea mogan poddun, to 'Vauraddeancho Ixtt,' 'Dor Mhoineachi Rotti,' 'Gulab,' 'Goan Review,' 'Jivit,' heam potrancher ani masikancher aplim boroupam neamit korit aila.
Ek xikxok ani tea uprant ek potrakar koso vaur kortana, tachea boroupachea, chitraupachea ani songitachea gunnacher matui asor poddlo na. Urfattem, Devan dil'le soglle gunn tannem, aplea dispott'tea vaurantlean, khaltikaien ani vevostitponnim vapurle.
Adim uzvaddak ailolim Pio-chim suvoll zalolim pustokam zaun asat: 'Kupam', 'Pakham', 'Sallkam' ani 'Ambott Tik'.
Pio-baban vachpeam koddlean bhouch abru zhoddla ani tachem 5vem pustok dor ek vanchpeachem anvddichem thartolem.
Gaspar Almeida
www.goa-world.com
Nov. 10, 2009
No comments:
Post a Comment