SADI CHOLI TI MUMBOICHI,
Az Amerikent gazli-sadli
“Freida O Freida! Mumboichi hi fanki 'kator bhaji' borovpin Shoba De, Slumdog Millionaire filmantlea noketrachi gozal korun oxem boroita:”Latika koxem sovong tachem mhaka vhoddlemxem lagonkna, Freida mhonnxi kotha tichi zobor mhaka bulloita”
Khorem tem. Kodak Tiatrant Oscar inam vantt’telea dobajeak Freida Pinton kherit kolen kel’lem nhesop ghalun Hollywoodachea dusream nottam modem borench porzoll'lem ani khupuch zannanchea dolleant tem guslem.
Dilelem Utor Moddlem Koxem?
Mumboint tika kaim lok boroch xinnta. Zalam tor kitem? 2007 vorsa Rohan Antao hea Gõykar cholea laghim tichi ixttagot asli, kazarachi soirik zal’li, utrachi mudi legun ghal’li, ponn az Freida bayen kus marli. Mudi ghalcho dobazo zal'lo tea disache fottu purave ditat. Punn…Punn kitem? Adle dis veglle, te poder mele ani te undde…hoi, tea disamni Freida xembhoram modem Mumboichi ek chalti sundori asli punn az kimot tichi chodd vaddli, rokketa porim hi choli ontrollar pavli. Slumdog film zatelem, tantun svong tika astelem,Oscar puroskar gheunk red carpet tem choltelem, oslem kitench tachea sopnant legun nas-lem. Ponn nirmonn kedem az tem filmi jugant chodd porzoll'lem, New York xarant pennem korunk tannem ievjilem, motteam cholchitramni vantto gheunk noxib tachem ugoddlem.Vhoddle kolakar ticher mitti marte-le,bhangar xrungarache dis tika udetele.
Noxib tem, konnak hansoita vo roddoita
Eka kallar Marylin Monroe Hollywood ontrollar bikbiklem. Cheddum tem durboll avoichem ani vollkhi bhailea bapaichem, dogam odhikareank tem bhettlem,sobitxem tankam dislem ani Hollywoodant traning taka diun, motteam kolakaram modem tem pavlem. Freida bai sangta:TV Serials hantun kam’ korunk hanv chodd axetalim, ponn kuddin gullgullit nhoi dekun tannim mhaka nam vinchlem. Ponn nirmonn kedem, guspol’le choliek Devan kitem odik borem dovorlem. Hoi, hem khorem.
Choli Ti Munglurchi
Freida bai 24 vorsanchi Malad Mumboint vaddleli choli. Danny Boyle direktoran tika ek sondhi dili ani poilich uddki marun sonvsara mukhar ti porzoll'li. Tichim avoi bapui Mungllurcho Kristanv ghorabo. Fredrick Pinto, bapui benkint kam’ korta ani Sylvia, avoi inglez xallechi principal asa St Xavier's kolejint Freida bayen podvi zoddlea. Don vorsam modeling kelam. TV serialant vochunk tacho anvddo aslo. Punn titlemxem sobit naslolean taka fattim dovorlem ani khub faideak poddlem. Aikat, Freida aplich goxtt sangta: “Eka umedvar kolakarak filmant bhag gheunk sondhi mellteli zalear audition divchem poddta. Mhonnge tacho tallo, chal, sovong korpachi huxarki ek-eka bhagant tankam topastat. Xmti. Loveleen Tandam Slumdog filmachi Casting Direktor asli. Tinnem Indiecheam choliank apovnnem kelem. Heram modem Freidan apli khas mahiti diun tape Londonak patthoili. Mhoinea modem audition-ak apoun tika chitt aili. Sumar sov mhoine heram kolakaram modem mhoino bhor tinnem audition dilem.Chintuk naslem, sabaram modem tika vinchli. Kednach tinnem filmant kam’ korpant training gheunk naslem,ponn noxib kedna hansot tem konn sangot?
Danny Boyle Ikmoticho direktor
Fuddem Freida sangta: “Poileach farak hanv audition diunk gelim. Dis to umxekicho ani chodd ugddasacho. Thoim kam’ korpi ek famil koxi mhaka disli. Zobor mhaka opurbai dakoili. Bhirant mhoji uddli. Danny sarkea mon’xa vangdda kam’ korunk ek bhaguch tem. Oslo soeg mhaka favlo, Devak dispott’tim hanv argam ditam.To ek direktor vhodde kolecho ani ikmoticho, ponn borochbor mon’xallayen vagtolo. Soglli Mumboi tannem vollkhun kaddli,asa toxench xutting korunk tozvit dakoili. Addechim settam to ubharinaslo, jivench tem fottvar kaddtalo. Tannech amkam Mumboichi odik prit korunk xikoilem.Freidachem sovong chodd sadem. Vellar vell ponn tacho vell noxibacho. Aiz tannim Bharoti bavtto vhoir pavoilo.
Ubaldo
Subscribe to:
Post Comments (Atom)
No comments:
Post a Comment